Башҡортостан Хөкүмәте Премьер-министрының иҡтисад буйынса урынбаҫары ҡыҫҡартыла, уның бурыстары башҡа вице-премьерҙарға бүлеп бирелә

Башҡортостан Хөкүмәте Премьер-министрының иҡтисад буйынса  урынбаҫары  ҡыҫҡартыла, уның бурыстары башҡа вице-премьерҙарға бүлеп бирелә 29.06.2015

Был турала бөгөн Республика башлығы  оператив кәңәшмә барышында белдерҙе.

Документҡа ярашлы,  иҡтисад өлкәһендә дәүләт идараһы, иҡтисади үҫеш,  инвестициялар йәлеп итеү, социаль-иҡтисади  программаларҙы әҙерләү һәм ғәмәлгә ашырыу, «Берҙәм тәҙрә» системаһы буйынса дәүләт хеҙмәттәрен күрһәтеүҙе ойоштороу һәм башҡа мәсьәләләр  Башҡортостан Хөкүмәте Премьер-министрының беренсе урынбаҫары Рөстәм Мәрҙәновҡа йөкмәтелә.
Йәштәр, физик культура һәм спорт мәсьәләләре,  хоҡуҡ боҙоуҙарҙы профилактикалау,  енәйәткә ҡаршы көрәш, йәмәғәт тәртибен тәьмин итеү,  мобилизация әҙерлеген  ойоштороу  менән вице-премьер Марат Мәһәҙиев шөғөлләнәсәк.  Ул шулай уҡ ошо йүнәлештәр буйынса республика комиссияларын да етәкләй.
Республика Хөкүмәте Премьер-министры урынбаҫары Дмитрий Шароновҡа өҫтәмә рәүештә  бәләкәй һәм урта эшҡыуарлыҡ менән бәйле  мәсьәләләр йөкмәтелә.
Рөстәм Хәмитов шулай уҡ  иҡтисад буйынса  вице-премьер вазифаһынан бушатылған Евгений Мавриндың  Республика башлығы ярҙамсыһы итеп тәғәйенләнеүе тураһында ла белдерҙе.   Ә Республика башлығы хакимиәтенең  муниципаль берәмектәр менән хеҙмәттәшлек итеү буйынса идаралыҡты етәкләү бурысы  Өфөнөң Калинин районы хакимиәте башлығы Григорий Букреевҡа йөкмәтелде.

Загрузка видео...
Комментарии
Загрузка

Возврат к списку


Яндекс.Метрика