Билдәле шағирә Дилә Булгакова 80 йәшлек оло юбилейын ҡаршылай 08.07.2017

Ҡырҡ йылдан ашыу ғүмерен медицинаға арнаған ижадсының әҫәрҙәре халыҡ араһында киң танылыу ала, шиғырҙары көйҙәргә һалына.

«Илһам» тигәне шул булалыр инде, - ти билдәле шағирә, прозаик Дилә Булгакова. Ижад даръяһында ул бөгөн дә балыҡтай йөҙә. 80 йәшлек юбилейын ҡаршылаусы ханымдың тормош девизы ябай - һүҙҙәр донъяһын байҡап сығып, меңдәрсә кеше йөрәгенә йылылыҡ өҫтәү. Төрлө милләт халҡын берләштәргән республикала йәшәүе менән дә үҙен бәхетле һанай тәбиғәткә ғашиҡ ижадсы.
Тыуған ерем, халҡым тип янып-көйөп йәшәгән ҡәләм оҫтаһының проза әҫәрҙәре халыҡ күңелен тиҙ арбай. Дилә Булгакова ике тиҫтәнән ашыу китап авторы. Хикәйә-повестарында ул геройҙарының иң тәрән уй-кисерештәрен асып һалырға тырыша. Дини темаларға яҙылған шиғри йыйынтығы, мөхәббәт лирикаһы ла айырым иғтибарға лайыҡ.
Дилә Булгакова ике йөҙҙән ашыу йыр авторы ла. «Ҡыр ҡаҙҙары», «Үпкәләмә», «Зәңгәр күҙле ҡыҙға», «Устарыма һал һин, йөрәгемде» һәм башҡа шиғырҙарын композиторҙар, ижадташ дуҫтары оло сәхнәгә сығара.
Моңло, тәрән фәлсәфәле йырҙар яҙыу, әйтерһең дә, Дилә Хәмзә ҡыҙының ҡанында. Шулай ҙа ул бер ҡасан да гонорарҙар артынан ҡыумай, шиғри әҫәрҙәрен, тәү сиратта, уҡыусылары өсөн аҡ ҡағыҙ битенә төшөрә, артабан хистәргә бай һүҙҙәр ноталарға һалына. Күркәм юбилейын ҡаршылаусы әҙибәне ҡәләмдәштәре лә ҡояшҡа тиңләй.
Дилә Булгакова бала саҡта рәссам булырға хыяллана, ижадҡа һөйөүе уны шиғриәт, проза донъяһына алып килә. Өй тулы картиналар, китаптар һәм ҡул эштәре. Хаҡлы ялдамын тип тик ултырмай ул. Йәмәғәт эштәрендә әүҙем ҡатнаша. Юбилей кисәһен әҙибә көҙгә үткәрергә йыйына.
Илһам донъям, ташлап китә күрмә, һинең менән йәшәйем, йәшмен мин. Йырҙар менән үлеп терелгән бар, йырҙар менән генә мин йәшмен мин.

Загрузка видео...
Комментарии
Ваше имя

Электронная почта

Содержание этого поля является приватным и не предназначено к показу
 

Уведомить об ответе
Комментарий
Введите символы, которые показаны на картинке:

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
 
  Принимаю условия соглашения пользователя

Возврат к списку


Яндекс.Метрика