«Ал да нур сәс халҡыңа»

«Ал да нур сәс халҡыңа» 16.03.2015

Өфө мәктәптәре  араһында уҙғарылған «Шаяндар һәм отҡорҙар» клубының быйылғы бәйгеһенең девизы Шәйехзада Бабичтың билдәле шиғырынан алынған. Ун өсөнсө тапҡыр уҙғарылған конкурс Әҙәбиәт йылына арналды.  Быйыл «Шаяниум»да баш ҡаланың рус телле белем усаҡтары ла ҡатнашты. Финалға үтеүселәр араһында159-сы мәктәптең «Хыялый-зыялыйҙар» командаһы ла бар.

Конкурста ҡатнашыусы командалар КВН стилендәге ҡыҙыҡлы һәм үҙенсәлекле  сығыштарын өс номинация буйынса тәҡдим итте. «Сәләмләү»ҙә – «Алаһы ла, ҡолаһы ла - замана балаһы!», «видеоконкурс»та – «Өфө - минең яратҡан ҡалам», ә «музыкаль өйгә эш» номинацияһында  «Һәр ҡоштоң үҙ моңо» тигән темалар яҡтыртылды. «Шаяниум»дың быйылғы еңеүсеһе тип Фатима Мостафина исемендәге 20-се Өфө ҡала башҡорт гимназияһының «20-се централ» командаһы танылды.

Загрузка видео...
Комментарии
Загрузка

Возврат к списку


Яндекс.Метрика