Главная

Башҡортостан менән Татарстан Республикалары һәм Ямал-ненец автономиялы округы араһында ,,Ямал-Волга буйы,, маршруты буйынса нефть химияһы углеводород сеймалын транспортировкалау өлкәһендә ниәттәр протоколына ҡул ҡуйылды. Был бөгөн асылған ,,Ҙур химия,, форумы сиктәрендә ҡабул ителгән тәүге документ. Уға Башҡортостан Президенты Рөстәм Хәмитов, Татарстан Президенты Рөстәм Миңлеханов һәм Ямал-ненец автономиялы округы губернаторы Дмитрий Кобылкин ҡул ҡуйҙы.

Былтыр ғәмәлгә ашырыла башлаған «Халыҡ бюджеты» проектын күптәр сираттағы һайлау алды акцияһы тип кенә ҡабул иткәйне. Әммә ысынбарлыҡта ул быйыл да ауыл халҡы проблемаларын хәл итеүҙә ярҙам итә.

Республика Президенты яҙғы баҫыу эштәренә һәм малсылыҡты үҫтереүгә арналған селектор кәңәшмәһендә ҡатнашты. Уны Рәсәй Хөкүмәте башлығы Дмитрий Медведев үткәрҙе.

Уның эшендә Башҡортостан Президенты Рөстәм Хәмитов, Рәсәй Президентының Волга буйы федераль округындағы тулы хоҡуҡлы вәкиле Михаил Бабич, Татарстан Президенты Рөстәм Миңлеханов, Рәсәйҙең башҡа төбәктәре етәкселәре, илселәр ҡатнаша.

Бөгөн Халыҡ-ара ғаилә көнө. Берләшкән милләттәр ойошмаһы ҡарары менән ул 1993 йылдан билдәләнә. Сараның маҡсаты – төрлө илдәр йәмәғәтселегенең ғаилә мәсьәләләренә иғтибарын йәлеп итеү.