Йыл әйләнәһенә һыу инеү мөмкинлеге | 15.12.2011
15.12.2011
Ауылда йәшәүсе балаларҙың ҡыш рәхәтләнеп һыу инеү мөмкинлеге юҡ. Ә бына Әбйәлил районы мәктәптәре уҡыусылары алдында бындай һорау торғаны юҡ. Сөнки уларҙың йыл әйләнәһенә һыу инеү мөмкинлеге бар.
Район үҙәгендә урынлашҡан «Батыр» физкультура-һауыҡтырыу комплексы ишектәре һәр кем өсөн асыҡ. Бындағы бассейн йөҙөргә яратыусыларҙы йыл әйләнәһенә ҡабул итә. Әле мәктәп уҡыусылары арыһында район беренселеге үтә. Һәр белем усағы ярышҡа 8 баланан торған команда килтергән. Бәйге регламентына ярашлы, бәләкәй синыф уҡыусылары 25 метрға йөҙһә, өлкәндәр 50 һәм 100 метр арауыҡҡа етеҙҙәрҙе билдәләй. Тренерҙар әйтеүенсә, спорттың был төрөн үҙ иткән балаларҙың тын юлдары үҫешә, сыныға. Шуға ла район мәктәптәре балаларҙы уҡыу йылы дауамында бассейнға даими йөрөтөргә тырыша. Район беренселегенә килгәндә, ул ҡыҙыу һәм көсөргәнешле барҙы. Малайҙар һәм ҡыҙҙар ихтыяр көсө менән бер рәттән, оҫталығын күрһәтте. Еңеүселәргә Маҡтау ҡағыҙҙары, иҫтәлекле бүләктәр тапшырылды.
Комментарийҙар
Комментарий өҫтәргә
Хөрмәтле ҡулланыусы!
Һеҙҙең комментарий администратор тарафынан тикшерелгәндән һуң ғына өҫтәләсәк.