Нефтекамала мәктәп уҡыусылары араһында пневматик ҡоралдан атыу буйынса ҡала ярыштары үтте

Нефтекамала мәктәп уҡыусылары араһында пневматик ҡоралдан атыу буйынса ҡала ярыштары үтте 14.11.2016

Бындай хәрби-патриотик сара йылына өс тапҡыр ойошторола. Сираттағыһында  6-8 синыф уҡыусылары, барлығы етмеш үҫмер үҙ көсөн һынап ҡараны. Мәргән атыусылар рәтендә кадет синыфында белем алыусы ҡыҙҙар ҙа булды. Күбеһе киләсәген тәфтишсе, хоҡуҡ һаҡсыһы һөнәре менән бәйләргә теләй.

Бәйгене ойоштороусылар әйтеүенсә, ҡатнашыусылар һаны йыл һайын арта. Биш зачетты үҙ эсенә алған  шәхси беренселектә һәм дөйөм команда иҫәбендә иң яҡшылар билдәләнде, уларға дипломдар тапшырылды.
Рим Әсләхов, ярышты ойоштороусы, Нефтекаманың 11-се урта мәктәбе уҡытыусыһы: «Уҡыусыларҙың атыу буйынса тәжрибәләре аҙ. Күбеһенең буйҙары винтовка менән бер. Шулай ҙа өлкәнерәк синыфтарға еткәс, практик дәрестәрҙә мәргәнлеккә таһыллыҡтарын арттырырҙар тип уйлайбыҙ. Ярыштың һөҙөмтәләре менән ҡәнәғәтмен».

Загрузка видео...
Комментарии
Загрузка

Возврат к списку


Яндекс.Метрика