Өфөлә Бөтә Рәсәй күгәрсендәр күргәҙмәһе үтте

Өфөлә Бөтә Рәсәй күгәрсендәр күргәҙмәһе үтте 14.01.2017

Сараға төрлө төбәктәрҙән йөҙләп ҡатнашыусы, ойошмалар килде. Улар күргәҙмәгә ҡоштарҙың ике йөҙ төрөн тәҡдим итте. Осрашыу күгәрсен тәрбиәләүселәр өсөн аралашыу, тәжрибә уртаҡлашыу майҙанына әйләнде. Ойоштороусылар әйтеүенсә, бындай саралар тыныслыҡ ҡоштарына ҡарата иғтибар, ҡыҙыҡһыныуҙы арттыра.

Радик Сабиров, Өфөнөң «Өфө спартагы» күгәрсен үрсетеүселәр берекмәһе етәксеһе: «Күгәрсендәрҙе тәрбиәләү иғтибар талап итә, ваҡытты ала. Әммә бында килеүселәрҙең барыһы ла уларҙы күңел өсөн тәрбиәләй. Күргәҙмәгә килеүселәр бик ҡыҙыҡһына, ҡоштарҙы үрсетеүселәрҙән кәңәштәр һорай».
Нефтекама ҡалаһынан  Булат Юлмөхәмәтов күгәрсендәрҙе йәш сағынан аҫрай. Бөгөн уның хужалығында был ҡоштар ете тиҫтәнән ашыу. Уларҙы яратырға кәрәк, юҡҡа ғына күгәрсендәрҙе мөхәббәт ҡоштары тип йөрөтмәйҙәр, ти ул.


Загрузка видео...
Комментарии
Загрузка

Возврат к списку


Яндекс.Метрика