RSS
Аҙна яңылыҡтары. Ағиҙел аша һалынған ҡоролманың сафтан сығыуы баш ҡала халҡы һәм ҡунаҡтары өсөн ысын мәғәнәһендә баш бәләһенә әйләнде
Өфөнән сығыу өсөн километрҙарға һуҙылған тығындарҙа торорға кәрәк. Ҡышын бер хәл, ә йәй ни булыр? Күҙ алдына ла килтереүе ҡурҡыныс. Йома көн барыһы ла баш ҡаланан ситкә ағыла башлай, баҡсасылар өҫтәлә, оло йәштәгеләр үҙҙәренән ҡалышмай ҡартайған автомобилдәрендә юлға сығып ҡайнашып ултырасаҡтар. Ҡурҡытырға маташмайым,  тап шулай буласаҡ та. Ҡала етәкселеге ниндәйҙер альтернатив юлдар тәҡдим итә лә ул, әммә ярҙам итерме?
21 / 01 / 2018 241
Аҙна яңылыҡтары. Уларҙың хатаға хоҡуғы юҡ
Һүҙем саперҙар тураһында. Юҡҡа ғына бит инженер ғәскәрҙәренең девизы «Беҙһеҙ - бер кем дә түгел». Тап улар башҡа ғәскәрҙәргә юл аса. Күперен дә «һә» тигәнсә төҙөп ҡуялар, шартлатҡыстарын да зарарһыҙландыралар, кәрәкһә, тотош яланға мина һалып китәләр.  Иртәгә улар һөнәри байрамын билдәләй. Ошо уңайҙан Өфө эргәһендә урынлашҡан иң ябыҡ часть тә журналистар өсөн ишектәрен асты.
21 / 01 / 2018 185
Аҙна яңылыҡтары. Дайджест
Республикала 34 меңгә яҡын кеше хеҙмәт килешеүһеҙ эшләгән. Был хаҡта Башҡортостандың Ғаилә, хеҙмәт һәм халыҡты социаль яҡлау министрлығы хәбәр итә. Һуңғы өс йылда 185 меңгә яҡын кешенең хеҙмәте законлаштырылған. «Күләгә»лә эш тәҡдим итеүселәрҙе асыҡлау быйыл да дауам итәсәк.
21 / 01 / 2018 215
Йома кисендә Өфө урамдарында йәнә ҙур тығындар хасил булды
Транспорт хәрәкәтендәге ҡатмарлыҡтар айырыуса «Дуҫлыҡ монументы» янындағы күперҙә теркәлде. Сөнки иҫке ҡоролма ябылған, ә яңыһы шул тиклем автомобилдәр ағымына иҫәпләнмәгән. Водителдәр мәнфәғәттәрен ҡайғыртып уҙған төндә күперҙә йүнәлешен үҙгәртә торған хәрәкәт ойошторолдо. Йөк транспорты өсөн дә сикләү индерелә. Был турала Өфө ҡалаһы һәм республика автоинспекцияһы етәкселеге ҡатнашлығында үткән күсмә кәңәшмәлә белдерелде.
19 / 01 / 2018 257
Радио хеҙмәткәрҙәре ойошторған «Алмаш-тилмәш» проектының тәүге миҙгеле тамамланды
Проект аҙағында тыңлаусылар араһында осраҡлы рәүештә һайлап алынған кешегә бүләккә ат тапшырылды. Үҙенсәлекле башланғыс республикабыҙҙың төрлө райондарында йәшәгән радиотыңлаусыларҙы әйбер алмашыу сылбыры менән тоташтырҙы. «Юлдаш» радиоһында «Алмаш-тилмәш» проекты уҙған йылдың сентябрендә башланғайны.
19 / 01 / 2018 299
Ауыл йәшәһен өсөн!
Бәләбәй районының Знаменка ауылында бағыусылар балалар өсөн тау, хоккей уйнарға һырғалаҡ эшләгән. Йыл һайын «Иң яҡшы» уҡыусыға үҙҙәренең дәртләндереү призын булдырған. Ацетон етештереүсе предприятие урында йәшәүселәрҙе эш урындары менән тәьмин итеп, ауылды йәнләндереү сараларын күрә. Төбәк халҡы: «Берҙәмлектә-көс» девизы менән йәшәй.
19 / 01 / 2018 192
ДОНЪЯ ЯҢЫЛЫҠТАРЫ - 19.01.2018
Хаҡы йондоҙҙарына ҡарап. Дәүләт думаһы  ҡунаҡханаларҙы мотлаҡ йондоҙҙарына ҡарап синыфтарға бүлеү тураһында закон проектын өсөнсө уҡыуҙа раҫланы. Был вәкәләттәр туризм өсөн яуаплы дәүләт органдарына йөкмәтелә. Ҡанун 2019 йылдың 1 ғинуарынан ғәмәлгә инә.
19 / 01 / 2018 164
Халыҡ ихтияры иғтибар үҙәгендә
Ғинуар башында Благовещен районында төшөрөлгән видеояҙма йәшен тиҙлегендәй интернет киңлектәрендә таралды. Рая ханым ҡатнашлығындағы ролик  шулай уҡ федераль каналдарҙа ла сағылыш тапты. Төп герой Ильина Поляна- Соколовский ауылдары араһындағы юлдың йөрөп булмаҫлыҡ хәлгә әйләнеүенә зарлана. Техникаларҙы көтөп ала алмаған ҡатын һөҙөмтәлә юлдағы боҙлауыҡ менән үҙе көрәшергә мәжбүр булған. Шулай итеп ул власть органдарының иғтибарын урындарҙағы көнүҙәк проблемаларға йәлеп итергә уйлаған.  
18 / 01 / 2018 227
Уларҙың хатаға хоҡуғы юҡ
Һүҙем саперҙар тураһында. Был аҙнала Рәсәй инженер ғәскәрҙәре һөнәри байрамын билдәләй. Ошо уңайҙан Шишмә районының Алкин хәрби гарнизонында күнекмәләр уҙҙы. 12-се айырым гвардия инженерҙар бригадаһы ғәскәрҙәре яланда төрлө техника менән эш итте.
18 / 01 / 2018 176
Ҡыш миҙгелендә торлаҡ тикшереү испекцияһына ғариза менән мөрәжәғәт итеүселәр һаны арта
Граждандар күпселек осраҡта торлаҡтарының һыуыҡлығына  һәм йыуына торған һыу температураһының түбән булыуына занлана.
18 / 01 / 2018 211
ДОНЪЯ ЯҢЫЛЫҠТАРЫ - 18.01.2018
Ленинград блокадаһын өҙөүгә 75 йыл. Президент Владимир Путин Санкт-Петербургта Пискарев мемориалына сәскәләр һалды.  Дәүләт башлығы туғандар ҡәберлегендәге мәңгелек ут янында ла туҡталды. Ҡала халҡы, бөйөк Ватан һуғышы ветерандары һәм йәштәр ойошмалары вәкилдәре менән осрашыуҙа  Президент  Ленинград блокадаһы өҙөүҙә ҡатнашыусыларҙың ҡаһарманлығын оноторға хаҡыбыҙ юҡ тип белдерҙе.
18 / 01 / 2018 237
Быйыл Совет ғәскәрҙәренең Сталинград ҡалаһы өсөн алышта еңеүенә 75 йыл тула
Ошо дата уңайынан республиканың Мәғарифты үҫтереү институтында «Волга буйындағы бөйөк һынылыш. Башҡортостандың фашистик көстәрҙе тар-мар итеүгә индергән өлөшө» исеме аҫтында конференция ойошторолдо.
18 / 01 / 2018 246
Бөгөн Өфөлә «Еҙем» тәбиғәт паркын булдырыу мәсьәләләре буйынса йәмәғәт тыңлауҙары үтте
Яңы статус Ғафури районының хозур тәбиғәт мөйөшө үҫешенә булышлыҡ итер, үҙ хоҡуҡтарын яҡлау мөмкинлеге бирер тип көтөлә. Ни тиһәң дә, Еҙем йылғаһы буйлап ағып төшөү, ундағы мәмерйәләр туристарҙы күпләп йәлеп итә.
18 / 01 / 2018 220
Ленинград ҡамауын өҙөүгә 75 йыл
Ошо уңайҙан бөгөн Республика Профсоюздар йортонда осрашыу үтте. Сараға Герой ҡаланы азат итеүҙә ҡатнашыусы яугирҙар һәм блокада шаһиттары саҡырылды. Әле Башҡортостанда Ленинград мәшхәрен үҙ иңендә кисергән 100-ҙән ашыу кеше йәшәй.
17 / 01 / 2018 249
ДОНЪЯ ЯҢЫЛЫҠТАРЫ - 17.01.2018
Рәсәй Үҙәк һайлау комиссияһы Владимир Путиндың һайлау кампанияһындағы ышаныслы вәкилдәре исемлеген иғлан итте. 259 кеше араһында Өфө дәүләт нефть-техник университеты ректоры Рәмил Бәхтизин менән «Салауат Юлаев» клубы етәксеһе Таһир Ибраһимов та бар. Федераль исемлеккә Александр Масляков, Леонид Якубович,  йырсылар Диана Гурцкая, Лев Лещенко һәм башҡалар ингән.
17 / 01 / 2018 197
Тығын бөтөрме
Ағиҙел йылғаһы аша иҫке күперҙең ябылыуы сәбәпле, ҡала хеҙмәттәре 18-19 ғинуарҙа Өфө-Аэропорт йүнәлеше буйынса яңыһының үткәреү һәләтен арттырмаҡсы. Яңы ҡоролмала 5 һыҙат бар.
16 / 01 / 2018 225
Бөгөн Иглин ауылында дәүләт автоинспекцияһы район хакимиәте менән берлектә ойошторған «Зебра» акцияһы уҙҙы
Сара йәйәүлеләр ҡатнашлығында юл-транспорт ваҡиғаларын кәметеүгә йүнәлтелде.  
16 / 01 / 2018 228
Баш ҡалала торлаҡ йорттарҙың ҡыйығынан ҡар таҙартыла башланы
Бөгөн торлаҡ-коммуналь хужалығы хеҙмәткәрҙәре Зәки Вәлиди урамында эшләне. Быйылғы ҡыш яуым-төшөм аҙ булыуға ҡарамаҫтан эш етерлек, ти яуаплы ойошмалар. Өҫтәүенә, ҡарҙы таҙартырға  автомобилдәр ҡамасаулай. Торлаҡ-коммуналь хужалыҡтары йорт биләмәһен ҡарҙан таҙартҡан ваҡытта машина хужаларына тимер аттарын икенсе урынға ҡуйып тороуҙы һорай.  
16 / 01 / 2018 174
Нидерландты француз илбаҫарҙарынан азат итеүҙең 205 йыллығы билдәләнде
Был иҫтәлекле датаға башҡорттарҙың да  туранан-тура мөнәсәбәте бар. Төньяҡ Амурҙары короллекте азат итеүҙәге хәл иткес һуғыштарҙа ҡатнашҡан. Башҡорт уҡсыларының таһыллығы ярҙамында наполеон баҫҡынсылары ҡыуыла, илдә идара итеүсе династия тергеҙелә. Ил тарихында һынылышлы мәлдәрҙе иҫкә алып Нидерландта башҡорт мәҙәниәте көндәре үтте. Бынан тыш, азатлыҡ яулаусыларға һәйкәл асыу ҙа ҡаралған. Рәсми делегация составында беҙҙең ижади төркөм дә ләләләр илендә булды.
15 / 01 / 2018 220
Ағиҙел йылғаһы аша үткән күперҙе һыуыҡтар һынай
Өфө ҡала хакимиәтенән хәбәр итеүҙәренсә, һауа температураһының түбәнәйеүенә бәйле, күперҙең бетон ҡоролмалары емерелә башлаған. Белгестәр юл хәрәкәтен сикләү ваҡытын һуҙҙы. Быға бәйле, бөгөн саҡрымдарға һуҙылған тығындар барлыҡҡа килде. Хәтерегеҙгә төшөрәбеҙ, ҡала хакимиәте күперҙең авария хәлендә булыуы хаҡында былтыр декабрҙә хәбәр итте.
15 / 01 / 2018 231

Страницы: 1 2 3 4 5 ... 252 След.
Календарь новостей

Яндекс.Метрика