Республикала йәнә көслө дауыл ҡупты 20.07.2015

Был юлы тәбиғәт ғәрәсәтенең бар михнәттәрен Ишембай районы Яр-Бишҡаҙаҡ ауылында йәшәүселәр үҙ иңдәрендә татыны. Шаһиттар фекеренсә, көслө ел тиҫтәләгән йорт-ҡураға ҙур ғына зыян килтергән. Ҡайһы бер өйҙәрҙең ҡыйығын осорған, һарайҙар һәм ҡоймалар емерелгән. Кешеләр араһында йәрәхәтләнеүселәр  юҡ.

Гидрометеорология һәм тирә-яҡ мөхит мониторингы буйынса Башҡортостан идаралығы икенсе аҙна рәттән халыҡты һаҡ булырға саҡыра. Атап үткәндә, 26 июлгә тиклем Хәйбулла районына бишенсе класлы янғын хәүефе янай. Синоптиктар фаразлауынса, был аҙнала республикала йылы көндәр көтөлә. Һауа температураһы көндөҙ 25 градусҡа тиклем күтәреләсәк. Шаршамбынан күк күкрәп ямғыр яуасаҡ. 

Ә бына киләһе аҙнанан көндөң эҫетеүе көтөлә.  Һауа температураһы 29 градусҡа тиклем барып етәсәк.  


Загрузка видео...
Комментарии
Загрузка

Возврат к списку


Яндекс.Метрика