Новости на башкирском

RSS
Күмертау ҡалаһы бөҙрәханаларының береһендә клиент хеҙмәткәрҙәргә бысаҡ менән ташланған
Видеокүҙәтеү ҡоролмаһына төшөрөлгән кадрҙар социаль селтәргә урынлаштырылған. Унан күренеүенсә, матурлыҡ салоны клиенты администратор менән бер аҙ һөйләшкәндән һуң, сумкаһынан бысаҡ сығарып әңгәмәләшкән кешеһенә янай. Хеҙмәткәрҙәр бүлмәнән сығып ҡасҡандан һуң, ҡатын бөҙрәханала күҙенә ташланған әйберҙәрҙе туҙҙыра. Осраҡ буйынса әле хоҡуҡ һаҡлау органдары ла тикшереү башланы. Уның һөҙөмтәләре буйынса тейешле процессуаль ҡарар ҡабул ителәсәк.
17 / 01 / 2017 183
Бөгөн Мәскәүҙә Ҡара диңгеҙ өҫтөндәге авиафажиғәлә һәләк булыусыларҙы һуңғы юлға оҙаттылар
Улар араһында яҡташыбыҙ,  һауаға ҡаршы оборона ғәскәрҙәре полковнигы Әмир Хәсәнов менән Максим Иванов та бар.  Яҡташтарыбыҙ башҡа хәрбиҙәр менән бергә Мәскәү өлкәһендәге Мытищи ҡәберлегендә ерләнде. Был зыярат хәрбиҙәрҙең иҫтәлеген мәңгеләштереү өсөн эшләнгән.
16 / 01 / 2017 218
Мәләүездең 4-се һанлы суд участкаһы мирауай судьяһы яуаплылығы сикләнгән «Водоканал» йәмғиәте мастеры Мирғәле Сәғитовҡа ҡарата хөкөм ҡарары сығарҙы
Төбәк прокуратураһынан хәбәр итеүҙәренсә, ул кеше үлеменә килтергән хеҙмәт талаптарын боҙоуҙа ғәйепләнә. Хәтерегеҙгә төшөрәбеҙ, Мәләүездең «Водоканал» йәмғиәте хеҙмәткәре 29 йәшлек Руслан Кантиков канализацияла ремонт эштәре башҡарғанда грунт ишелеп төшөп, ер аҫтында ҡалды. Яуаплылыҡҡа тарттырылыусы үҙ ғәйебен таный. Суд уны шартлы рәүештә йыл ярымға иркенән мәхрүм итте. Бынан тыш, Мирғәле Сәғитов ойошма мастеры вазифаһынан төшөрөлгән.
16 / 01 / 2017 205
Уҙған ял Бишбүләк районында үлемесле авария теркәлде
Йөк машинаһы  менән бәрелеү һөҙөмтәһендә   унынсы модель «Ваз»  автомобиле водителе һәләк булды.  «Газель» руле артындағы һәм еңел автомобиль пассажиры төрлө тән йәрәхәттәре  алды.    
16 / 01 / 2017 161
Юл-транспорт ваҡиғаһында һәләк булыусылар һаны буйынса Башҡортостан Рәсәйҙә бишенсе урынды биләй
Башҡортостан юлдарында теркәлгән авария 500-ҙән ашыу кешенең ғүмерен өҙгән, тағы биш меңдән ашыуы йәрәхәтләнгән. Статистика мәғлүмәттәрен дәүләт инспекцияһы етәксеһе Динар Ғилметдинов килтерҙе.
13 / 01 / 2017 211
Өфөлә ун алты йәшлек үҫмер «Монетка» супермаркетына инеп, бер ниндәй сәбәпһеҙ уның ике хеҙмәткәренә бысаҡ менән һөжүм итә
Мәктәп уҡыусыһы башта бер нисә тапҡыр магазин менеджерына, аҙаҡтан кассала ултырған 59 йәшлек ханымға сәнсә. Зыян күреүселәр Өфө дауаханаларының береһенә оҙатыла, хәҙер уларҙың ғүмеренә хәүеф янамай. Әлеге ваҡытта осраҡ буйынса енәйәт эше ҡуҙғатылған.
12 / 01 / 2017 201
Уҙған тәүлектә республика юлдарында өс кешенең ғүмере өҙөлдө
Өфө - Шаҡша юлында теркәлгән юл-транспорт ваҡиғаһында «Лада Гранта» автомобиле ҡаршы юлға сығып «Камаз»ға  бәрелә. һөҙөмтәлә еңел машина водителе һәләк була.
12 / 01 / 2017 167
Селпәрәмә килгән хыялдар
Әлшәй районында өс балалы ғаилә Яңы йыл байрамдары алдынан урамда ҡалған. Тикшереүҙәр барышында янғындың электр сымындағы ҡыҫҡа ялғаныштан сығыуы асыҡланған. Әле ваҡытта Нәсибуллиндарҙы туған-тумасалары үҙҙәрененә һыйындырған. Ҡыҫынҡы булһа ла, үпкәләрлек түгел, ти ҡазаға тарыусылар. Шулай ҙа ғаилә яңы тормош башлап китер өсөн мәрхәмәтле кешеләрҙең ярҙамына мохтаж.
11 / 01 / 2017 213
Бөгөн Өфө - Шаҡша юлында теркәлгән юл-транспорт ваҡиғаһында бер кешенең ғүмере өҙөлдө
«Лада Гранта» автомобиле ҡаршы юлға сығып «Камаз»ға  бәрелә. Һөҙөмтәлә еңел машина тимер өйөмөнә әүерелә, водитель һәләк була. Шаһиттар әйтеүенсә, бәхетһеҙ осраҡҡа боҙлауыҡ менән юлдарҙа барлыҡҡа килгән боҙ һырынтылары сәбәпсе.
11 / 01 / 2017 206
Ғәйеп табиптарҙамы, әллә ата-әсәнең яуапһыҙлығымы?
Дәүләкән ҡалаһындағы боҙ ҡаласығында тау шыуғанда алты йәшлек малай көслө йәрәхәт ала, яҡындары баш ауыртыуына зарланған малайҙы урындағы медицина учреждениеһына күрһәтә. Әммә рентген һөҙөмтәләренә таянып, урындағы табип ғаиләне кире ҡайтара. Баланың хәле насарайғас, ата-әсә шул уҡ көн тағы ҡала дауаханаһына юллана. Артемды Өфөгә ебәреү мәсьәләһе күтәрелә. Әммә баш ҡала хирургтары ла кескәйҙең ғүмерен ҡотҡара алмай.
09 / 01 / 2017 316
Өфөнөң Комсомол урамындағы 107-се йорт алдын ҡарҙан таҙартыу күмәк кеше ҡатнашлығындағы һуғыш менән тамамланған
Ваҡиғаны күреүселәр әйтеүенсә, идарасы компания хеҙмәткәрҙәре эш барышында транспорт хәрәкәтен сикләп тора. Ләкин тап ошо саҡта урам эсенә ҡара төҫтәге «Лада Гранта» килеп инә һәм компания рәйесе әйтеүенә иғтибар итмәй, төпкә уҙа.
09 / 01 / 2017 276
Йыл башынан республика биләмәләрендә теркәлгән 79 юл-транспорт ваҡиғаһында 20 кешенең ғүмере өҙөлгән
130-ҙан ашыу кеше төрлө тән йәрәхәттәре алған. Яңы йыл байрамдарында  20 меңгә яҡын юл хәрәкәте ҡағиҙәһен боҙоу асыҡланған. Балаларҙы транспортта ташыу буйынса 700-ҙән ашыу ҡағиҙәнән ситкә тайпылыу осрағы теркәлгән. Бер үк ваҡытта эскән килеш руль артына ултырыусылар һаны ла кәмемәй. Ял көндәрендә 686 водитель тотолған.
09 / 01 / 2017 249
Уҙған тәүлектә республика буйынса 9 юл-транспорт ваҡиғаһы теркәлгән
Уларҙа ике кешенең ғүмере өҙөлгән, 17 кеше төрлө тән йәрәхәттәре алған.
09 / 01 / 2017 177
Уҙған тәүлектә республика юлдарында10 юл-транспорт ваҡиғаһы теркәлгән
Уларҙа ике кеше һәләк булған, ун кеше төрлө дәрәжә йәрәхәттәр алған. Бөгөн иртән Кушнаренко районының Волков ауылы янында «Хендай акцент» автомобиле ҡаршы юлдағы «Тойота Ленд Крузер»ға барып бәрелә. Көслө бәрелештән еңел автомобиль водителе ваҡиға урынында һәләк була. Фажиғәгә еңел автомобиль водителенең тиҙлекте арттырыуы сәбәпсе тип фаразлана.  
06 / 01 / 2017 220
Өс кешенең ғүмере өҙөлдө, тағы ла дүртәүһе, шул иҫәптән бер бала төрлө йәрәхәттәр менән дауаханаға оҙатылды
Ауыр эҙемтәле юл-транспорт ваҡиғаһы  Өфө-Белорет трассаһының 192-се саҡрымында теркәлде. Полиция мәғлүмәттәре буйынса, Стәрлетамаҡта йәшәүсе 47 йәшлек ир идара иткән «Рено Логан» боролошҡа һыймай ҡаршы һыҙатҡа сыға. Шул мәлде  «Ford Fusion» автомобиле менән  бәрелешә. «Ford»  менән идара иткән 49 йәшлек ханым һәм  «Рено Логан»дағы  ике пассажирҙың ҡаза урында уҡ ғүмере өҙөлә.
05 / 01 / 2017 237
Башҡортостан буйынса Тәфтиш комитеты Өфө районында 12 йәшлек үҫмерҙең үлем осрағын тикшерә
Яҡынса  мәғлүмәттәр буйынса, уҙған көн ике малай Михайловка ауылында газ тултырылған өс бәләкәй баллон һатып алған һәм магазин бинаһында уҡ уйнай башлаған. Берәүһе газды ауыҙына һурып алып утлы тамаша ойошторорға теләгән һәм иҫен юғалтҡан. Баланы дауаханаға оҙатҡандар, әммә табиптар уны ҡотҡара алмаған.
05 / 01 / 2017 250
Башҡортостан Дәүләт автоинспекцияһы водителдәрҙе Ырымбур өлкәһендә юлдарҙың ябылыуы тураһында иҫкәртә
Орск-Ырымбур тарассаһының 170 - 260 - сы саҡрымдарына тиклем, һауа шарттарына бәйле, юл участкалары ябыла. Шул сәбәптән, юлсыларға маршруттарын алдан хәстәрләү кәрәклеген белдерә. Күҙ асҡыһыҙ буран бөгөн республика юлдарында ла күҙәтелә. Белорет районында йөк автомобилдәре тығыны хасил булған. Ошондай уҡ хәл Һамар-Өфө-Силәбе трассаһында ла күҙәтелә.  
04 / 01 / 2017 239
Ҡара диңгеҙ күгендә авиаһәләкәттә ғүмерҙәре өҙөлгән яҡташтарыбыҙҙың яҡындарына Башҡортостан ҡаҙнаһынан 1 миллион һум күләмендә матди компенсация түләнәсәк
Аҡсалар республиканың резерв фондынан алынасаҡ. Тейешле күрһәтмәгә Башҡортостан Хөүмәте премьер-министры Рөстәм Мәрҙәнов ҡул ҡуйҙы. Авиаһәләкәт 25 декабрҙә теркәлде. Ҡара диңгеҙ күгендә 82 кешенең ҡүмере өҙөлдө. Уларҙың барыһы ла Сүриәгә юлға сыҡҡан булған.
30 / 12 / 2016 178
Өфөнөң Сельская Богородская урамын төҙөкләндереүҙе һорап мең ярым кеше петицияға ҡул ҡуйған
Бөтә бәлә - юлда барлыҡҡа килгән улаҡтарҙа. Соҡорҙар  арҡаһында  автомобилдәр ҡаршы һыҙатҡа барып сыға, йә ситкә оса. Автоһәүәҫкәрҙәр юл-транспорт ваҡиғаларын видеоға төшөрөп Интернет селтәренә лә һалған.
29 / 12 / 2016 217
Туймазы районында теркәлгән юл-транспорт ваҡиғаһында тотош бер ғаиләнең ғүмере өҙөлдө
Бер юлы дүрт автомобиль бәрелешкән авария уҙған кис теркәлде. «УАЗ» маркалы автомобиль идара итеү һәләтен юғалтып, ҡаршы һыҙатҡа сығып, «Шевроле», «Мицубиси» машиналарына һуғыла. Артабан ҡаҡлығып юл ыңғайына килгән йөк автомобиленә төкөй. Һәләкәттә «УАЗ» автомобиленең водителенең һәм  ике пассажирҙың ғүмере өҙөлдө. Һәләк булыусыларҙың Бөгөлмә ҡалаһында йәшәүсе ир менән ҡатын һәм уларҙың 13 йәшлек улы булыуы асыҡланды.
29 / 12 / 2016 281

Страницы: 1 2 3 4 5 ... 60 След.
Календарь новостей