RSS
Баймаҡ районынын Ярат ауылы биләмәһенә ҡараған төбәктәр ҡышҡы спорт уйындары буйынса «Һаулыҡ - ҙур байлыҡ» тип аталған спартакиада үткәрҙе
Был саралар  якынлашып килгән Ватанды һаклаусылар, 112-се Башҡорт кавалерия дивизияһы иҫтәлегенә һәм совет ғәскәрҙәрен Афғанстандан сығарыуға 29 йыл тулыуға арналды. Көслөләр, етеҙҙәр һәм мәргәндәр ярышы 5 ауылды берләштерҙе.
12 / 02 / 2018 247
Иглин районы саңғысылары 2022 йылда Пекинда үтәсәк Олимпия уйындарында ҡатнашырға теләй
«Рәсәй саңғыһы» ярышы сиктәрендә райондың 19 ауыл биләмәһенән меңгә яҡын спортсы ҡыҙыу бәйгегә сыҡты. Иглин ауылында ҡатнашыусыларҙың һаны йөҙҙән ашты. Иң йәш спортсыға биш йәш тулһа, өлкәне алтмышты уҙған. Сәләмәт тормош, әүҙем ял спартакиадаһында айырыуса мәктәп уҡыусылары әүҙемлек күрһәтте.
12 / 02 / 2018 198
Аҙна яңылыҡтары. Ҡышҡы олимпиада тәүге тапҡыр Рәсәйһеҙ үтә
Ҡышҡы олимпиада тәүге тапҡыр Рәсәйһеҙ үтә. Ҡатнаша ул беҙҙекеләр, әллә уларҙы беҙҙекеләр тип әйтеп буламы? Халыҡ-ара олимпия комитеты  Рәсәй спортсылары тип әйтергә тыя бит. Ҡышҡы уйындарҙы асыу тантанаһына ла  олимпия әләме аҫтында ғына аҡ кейемдә сыҡтыҡ. Ниндәй төҫ был? Допингтарҙан азат сафлыҡ төҫө тип аңларғамы, әллә еңелеүҙе таныған аҡ типме? Фекерҙәр төрлөсә. Берәүҙәр хупланы бер нимәгә ҡарамай үҙ иҫәбе өсөн барған спортсыларҙы, икенселәре хурға ҡалып барып йөрөмәҫкә ине тип һуҡранды. Шулай ҙа спортсылар йәл.
11 / 02 / 2018 251
Бөгөн Рәсәй спортсылары Көньяҡ Кореяла башланған Олимпия уйындарында тәүге уңыш ҡаҙанды
Бер нисә минут элек Башҡортостан шорт-трексыһы Семен Елистратов 1 мең ярым метр араға йүгереүҙә бронза миҙал яуланы. Яҡташыбыҙ Корея менән Голландия вәкилдәренән генә ҡалышты. Еңеүсе  Лим Хё Чун яңы олимпия рекордын ҡуйҙы.
10 / 02 / 2018 234
Өфөлә мәктәп уҡыусылары араһында физкультура фәненән олимпиада уҙа
Йөҙҙән ашыу муниципаль этап еңеүселәре Мифтахетдин Аҡмулла исемендәге Башҡорт дәүләт педагогия университетында үҙ-ара көс һынаша. Башта ҡатнашыусыларҙың физкультура фәненән теоретик белеме тикшерелде, артабан уҡыусылар гимнастика буйынса күнекмәләрҙә һынау тотто. Йәш атлеттар баскетбол, флорбол уйнай. Олимпиадала яҡшы һөҙөмтә күрһәтеүселәр яҙ Ульяновск ҡалаһында уҙасаҡ Бөтә Рәсәй этабына юллана.
09 / 02 / 2018 250
Йолаларҙы тергеҙеп
Баш ҡалала «Төньяҡ амурҙары»  традицион уҡтан атыу буйынса махсуслаштырылған клуб асылды. Хәҙер үҫмерҙәр «Глобус» үҙәге нигеҙендә шөғөлләнә ала. Клубты асыу тантанаһында мәргән уҡсылар оҫталыҡ дәрестәре үткәреп, халҡыбыҙҙың тарихын сағылдырған ҡорал тураһында һөйләне. Кереш тартып мәргәнлеген, етеҙлеген һынап ҡарарға теләүселәр сәпкә тигеҙеп сәмләнде.
09 / 02 / 2018 266
Айгиз Зәйнетдинов «Лада Гранта» автомобиле менән бүләкләнде
Ул милли көрәш буйынса Өфө ҡалаһы хакимиәте башлығы кубогына ойошторолған бәйгелә еңеү яуланы. Быйылғы турнирҙа республиканың иң көслө 70 спортсыһы  ҡатнашты. Бил бирмәҫ батырҙар алышын беҙҙең ижади төркөм дә күҙәтте.  
08 / 02 / 2018 257
Ҡышҡы картинг, тау саңғыһы һәм сноуборд
Әбйәлил районында спорттың ошо төрҙәре буйынса киң мәғлүмәт саралары кубогына ярыштар үтте.  
06 / 02 / 2018 190
Бөгөн Өфөнөң «Строитель» стадионында конькиҙа йүгереү спорты буйынса Бөтә Рәсәй ярыштары башланды
Улар тотош илдәге коньки спортын һәм сәләмәт йәшәү рәүешен үҙ итеүселәрҙе берләштерә. Быйыл Өфө менән бер рәттән ярыштар 30-ҙан ашыу ҡалала ойошторола.
03 / 02 / 2018 198
Бөгөн Өфөнөң Затон биҫтәһендәге «Тулҡын» скверында Зарница уйыны үтте
Ул Сталинград һуғышында еңеүҙең 75 йыллығына арналды. Уҡыусылар хәрби-десантсы һәйкәленә сәскә һалды, бер минут тынлыҡ менән яуҙа башын һалған яҡташтарыбыҙҙы иҫкә алды.  
03 / 02 / 2018 234
Спорт арбитраж суды Халыҡ-ара Олимпия комитетының Рәсәй спортсыларын ғүмерлеккә дисквалификациялау тураһындағы ҡарарын ғәмәлдән сығарҙы
Санкция иғлан ителгән 39 атлеттың 28-е был исемлектән алынған. Бынан тыш, Сочи олимпиадаһында Рәсәй спортсылары яулаған һөҙөмтәләр тергеҙелде. Көньяҡ Кореяның Пхёнчхан ҡалаһында үтәсәк Олимпия уйындарында ҡатнашыу хоҡуғы 28 спортсыға бирелде. Әммә халыҡ-ара олимпия комитетынан хәбәр итеүҙәренсә, был атлеттарҙың киләһе аҙнала башланасаҡ уйындарға саҡырыу аласағын аңлатмай.  
01 / 02 / 2018 201
Баймаҡ районы Ишмырҙа ауылында мәғариф алдынғыһы Заһит Йәйләев кубогына спорт ярыштары уҙҙы
Яҡын тирәләге ауылдар һәм Йылайыр районынан йыйылған командалар волейбол, теннис, шашка уйындарында көс һынашты.
31 / 01 / 2018 212
Бөрйән районы Һарғая ауылында «Урал батыр байрамы» үтте
Этнотуризм һәм этник спорт төрҙәрен үҫтереүгә йүнәлтелгән сара Башҡортостан дәүләт ҡурсаулығы тарафынан быйыл  икенсегә ойошторолдо.  Программа бик бай  - ат сабышы, көрәш, уҡтан атыу.  Милли уйындар байрамды  ысын мәғәнәһендә  «Ҡышҡы һабантуйға» әүерелдерҙе.
29 / 01 / 2018 250
Ҡариҙел районы Магинск ауылында түбән сортлы ағастарҙы эшкәртеү буйынса производство майҙансығы барлыҡҡа килеүе ихтимал
Был турала урман сәнәғәтен үҫтереү мәсьәләләренә арналған кәңәшмәлә белдерелде. Төбәктең был йәһәттән инвестиция йәлеп итеүсәнлеген тағы ла арттырыу күҙаллана. Әле пеллет етештереүҙе яйға һалыу, бюджет ойошмаларын һәм халыҡты юғары эффектлы яғыулыҡҡа күсереүҙе үҙ өҫтөнә алыусы инвесторҙар эҙләнә.
26 / 01 / 2018 184
Башҡорт көрәшселәре Рәсәй йыйылма командаһы составына инде
Грек-рим көрәше буйынса халыҡ-ара турнир Краснодарҙа уҙҙы. Республика данын яҡлаусы Ислам ОпИев менән Азамат Бикбаев яҡшы һөҙөмтәләр күрһәтеп, бронза  яуланы. Спорт бәйгеһендә ике йөҙҙән ашыу көрәшсе һынау тотто.
26 / 01 / 2018 201
«Салауат Юлаев» клубында генераль менеджер вазифаһы юҡҡа сығарылды
Яҡтар килешеүе буйынса Леонид Вайсфельд  менән контракт өҙөлдө. Команда уға эше өсөн рәхмәт әйтте һәм артабан да уңыштар теләне. Яңы уйынсылар эҙләү һәм  килешеү төҙөү  менән Өфө клубының спорт һәм генераль директоры, шулай уҡ скауттар   шөғөлләнәсәк. Республика башлығы Рөстәм Хәмитов командалағы үҙгәрешкә аңлатма бирҙе.  
25 / 01 / 2018 194
Континенталь хоккей лигаһы оҙайлы тәнәфескә туҡтарға йыйына
Был ваҡытта Рәсәй йыйылма командаһы ҡышҡы олимпия уйындарында сығыш яһаясаҡ. Тәнәфескә китер алдынан бөгөн «Салауат Юлаев» хоккейсылары Финляндияның «Йокерит» клубы менән осрашты. Төп һәм өҫтәмә ваҡыт 4-4 иҫәбенә тамамланды. Буллиттарҙа иһә уңыш дәғүәселәргә йылмайҙы. Даими чемпионаттағы һуңғы ике уйынын юлаевсылар 27-се февралдә һәм 1-са мартта үткәрә. Был көндәрҙә Өфөгә  «Сочи» менән «Аҡ Барс» командалары килә.  
23 / 01 / 2018 178
«Тышҡа сығайыҡ, саңғы шыуайыҡ!»
Ошо девиз аҫтында Иглин районында уҙғарылған саңғысылар бәйгеһендә спортсылар ғаиләләре менән ҡатнашты. Бәйгенән әле генә саңғыға баҫыусы бәләкәстәр һәм   спорт ветерандары ла ситтә ҡалманы.
23 / 01 / 2018 276
«Өфө» футбол клубының Рәсәй чемпионатының икенсе өлөшөнә әҙерлек сиктәрендә Кипрҙағы йыйындары дауам итә
Көндәлек күнекмәләр уҙғарыу менән бер рәттән, уларҙың  сит ил командалары менән иптәштәрсә осрашыуҙары ла ҡаралған. Тәүге уйынды яҡташтарыбыҙ урындағы Ларнака ҡалаһының «Алки» клубы менән көс һынашты. Әммә был матч Кипр һәм Рәсәй командаларының оҫталығын ер менән күк араһы булыуын күрһәтте.
23 / 01 / 2018 247

Страницы: 1 2 3 4 5 ... 63 След.
Календарь новостей

Яндекс.Метрика