«Урал батыр»ҙың кейеҙҙән тегелгән костюмдар коллекцияһы Мәскәү тамашасыһы һөйөүен яуланы 14.01.2015

Бөйөк әҫәр геройҙарын Республика халыҡ ижады үҙәгенең ҡул оҫталары кәүҙәләндергәйне.

Хәйләкәр һәм мәкерле Зәрҡүм -  «Урал батыр» эпосының иң сағыу образдарының береһе.  Кейеҙ баҫыусылар был йыланды әҫәрҙең йөкмәткеһенә ярашлы, костюм деталдәре аша сағылдырырға тырышҡан.
Республиканың төрлө район-ҡалаларынан берләшкән ижади коллектив утыҙға яҡын мәшһүр әҫәр геройын кейеҙҙә йәнләндергән. Был эштәр республикала ғына түгел, халыҡ-ара кимәлдә лә юғары баһаланған. Яңыраҡ коллекция Мәскәүҙә үткән «Этно-Эрато» Икенсе Евразия юғары милли мода конкурсында «Иң яҡшы көнсығыш костюмы» номинацияһында еңеү яуланы.
Кәримә Кайдалова, «Урал» галереяһы етәксеһе: «Беләһегеҙме, беҙҙең өсөн еңеү яулай мөһим түгел ине, иң әүәле – «Тамға» проекты нигеҙендә республиканың ҡул оҫталарын берләштергән ижади төркөм барлыҡҡа килде».  
Улар халыҡ кәсебен - кейеҙ баҫыуҙы профессиональ кимәлгә күтәреү маҡсатында рәссам, дизайнерҙар менән кәңәшләшеп эш итә. Тәүҙә буласаҡ костюмдың эскизы ҡағыҙҙа төшөрөлә, иң яҡшыһы тип танылғаны кейеҙҙә баҫыла.
Александр Кирдякин, дизайнер: «Тәбиғи материалдан ғына эшләнгән образдарҙы рәссамдар төрлө элементтар менән тулыландырҙы. Мәҫәлән, ҡайһы бер костюмдар тимер әйберҙәр менән биҙәлде».
Әйткәндәй, кейеҙ баҫыусыларҙың эшмәкәрлеге бының менән генә сикләнмәй - киләсәктә башҡа эпостарға таянып та әҫәр геройҙарын кәүҙәләндереү ҡаралған.
Гөлназ Хәйбуллина

Загрузка видео...
Комментарии
Ваше имя

Электронная почта

Содержание этого поля является приватным и не предназначено к показу
 

Уведомить об ответе
Комментарий
Введите символы, которые показаны на картинке:

CAPTCHA
Этот вопрос задается для того, чтобы выяснить, являетесь ли Вы человеком или представляете из себя автоматическую спам-рассылку.
 
  Принимаю условия соглашения пользователя

Возврат к списку


Яндекс.Метрика