Кино донъяһында яңы һүҙ 27.05.2015

Мәскәү кинематографтар союзының төп майҙанындағы ваҡиға ошо исем аҫтында үтте. Тамашасыларға «Манхеттен»фильмы күрһәтелде. Фильмдың авторы Өфөлә тыуып үҫкән  йәш режиссер Урал Сафин. Кинототаҫма «Улар һәм Вуди Аллен» спектакленә нигеҙләнеп ижад ителгән. Үҙ дәүерендә Вуди Аллендың «Манхеттен» фильмындағы ситуациялар фантазияһы  һәм этюдтарына ҡоролған спектакль, ваҡыт үтеү менән  драма әҫәре кимәленән сығып, үҙ эсенә хореография, акробатика һәм пантомимо элементтарын алған.  

Урал Сафин, режиссер: «Миңә сәхнә генә етмәне. Экранда бер ниндәй ҙә сикләүҙәр юҡ. Сәхнәлә күрһәтеп булмағанды экран аша тамашасы зауығына тап килерҙәй итеп күрһәтеү мөмкинлеге бар. Тик ҡыҙыҡлы тарих ҡына булһын».
Юрий Беленький, продюсер: «Башҡортостанлыларҙы талантлы ул үҫтереп биреүҙәре менән ҡотлайым. Ул һәләтле  һәм үҫә торған егет».
Урал Сафин билдәле актерҙар династияһынан, бөйөк актер  Арыҫлан Мөбәрәковтың бүләһе. Ул кино сәнғәтен һайлаған.
Салауат Мөбәрәков, Урал Сафиндың ағаһы: «Ул беҙҙең ғаилә традицияларын дауам итә. Был бик яҡшы. Ул йәш, көслө, дәртле һәм талантлы. Киноо сәнғәтендә һәм ғөмүмән сәнғәттә эшләүсе режиссер өсөн был бик мөһим».

Загрузка видео...
Комментарии
Загрузка

Возврат к списку


Яндекс.Метрика