RSS
Аҙна яңылыҡтары. Өфө һәм Белорет ҡалалары араһында тиҙ йөрөшлө электричка йөрөйәсәк
Ул ике араны ни бары дүрт сәғәттә үтер тип көтөлә. Ғәмәлдәгеһе был юлды кәм тигәндә һигеҙ сәғәттә үтә. Яңы электричка республикаға  туристар килеүен бермә-бер арттырыуы ихтимал. Һәр хәлдә төбәктә туризмды үҫтереү программаһын төҙөүселәр шулай тип ышана. Бөгөн документ хөкүмәт ултырышында ҡабул ителде.
17 / 09 / 2017 187
Декрет ялынан һуң нисек хеҙмәт урыныңды һаҡлап ҡалырға һәм яңы шарттарҙа эшкә яраҡлашырға?
Республика халыҡты эш менән тәьмин итеү дәүләт хеҙмәтенең  уҡытыу үҙәгендә  квалификация күтәрергә һәм икенсе һөнәр үҙләштерергә була.  
15 / 09 / 2017 271
Коммуналь хужалыҡ хеҙмәткәрҙәре фатир туйлай
Бөгөн Өфөнөң Ленин районында бер юлы дүрт йәш ғаиләгә торлаҡ асҡысы тапшырылды.  Ятаҡ тибында  эшләнгән бүлмәләр баш ҡаланың уртаһында, Телеүҙәк туҡталышындағы күп ҡатлы йорттоң  беренсе ҡатында урын алған. Элек бында Плеханов исемендәге Рәсәй иҡтисад институты эшләй,  әммә улар икенсе бинаға күскәндән һуң тәүге ҡат  буш тора. Хәҙер инде ул  йәш ғаиләләрҙең, сабыйҙарҙың шат ауаздарына күмеләсәк.
15 / 09 / 2017 171
Ауыл табиптары, уҡытыусылар, етемдәр бер ҡыйыҡ аҫтында
Дыуан районы үҙәгендә социаль  йорт файҙаланыуға  тапшырыла. Бер һәм ике бүлмәле фатирҙарҙа ремонт яһалған. Ин дә йәшәй башла, ти хужалар. Мебель ултыртаһы ғына ҡалған. Ата-әсәһеҙ, яҡын кешеләр терәгенән  мәхрүм үҫкән етемдәр өсөн был уңайлыҡтар үтә лә ҙур ярҙам.
15 / 09 / 2017 251
Иглин районындағы карьерҙан марганецлы эзбизды автомобиль юлдары буйлап ташыу төбәктең экологик торошона зыян килтерә
Сәнәғәт өсөн кәрәкле ҡаҙылдыҡты табыуға махсуслашҡан  ойошма ун йыл эшләп килә һәм ул илдә берҙән-бер. Предприятие эшмәкәрлеген туҡтатмай ғына нисек был ҡатмарлы хәлдән сығырға?
14 / 09 / 2017 216
Башҡортостанда йыл аҙағына тиклем 13 дәүләт унитар предприятиеһы хосусилаштырылырға тейеш
Әле  дәүләт ҡарамағында 40 предприятие иҫәпләнә. Киләһе ике йылға хосусилаштырыу программаһы бөгөн хөкүмәт ултырышында ҡаралды
13 / 09 / 2017 251
Өфөлә бер йыл эсендә вандалдар ҡулынан 300 объектҡа зыян килгән
Бөгөн Өфө ҡала хакимиәтендә депутаттар вандалдарға ҡаршы саралар буйынса фекер алышты. Муниципаль милеккә  килгән матди зыян күләме  3 миллион 500 мең һум менән баһалана.  Еңеүҙең 50 йыллығы скверында ғына улар ҡулынан 27 яҡтытыҡ ҡоролмаһы боҙолған, Яҡутов  паркындағы фонарҙарҙың яртыһына зыян килгән, Яңы йыл байрамы шары юҡҡа сыҡҡан.
13 / 09 / 2017 178
Өфө районының Шамонин ауылында йәшәүселәр башҡалаға тиклем йөрөгән микроавтобустарҙа юл хаҡының артыуына зарлана
Хәҙер бер яҡҡа ғына етмеш һум. Өфөнән Булгаков ауылына тиклем иһә йәмәғәт транспортында сығымдар тағы ла күберәк китә. Ни өсөн тарифтар көйләнмәй?
12 / 09 / 2017 258
Йыл әйләнәһенә фатирҙы йылытыу һәм коммуналь түләүҙәрҙә экономиялау мөмкинлеге
Благовар районының Первомайский ҡасабаһында күп фатирлы йорттар шәхси газ ҡорамалдары ярҙамында йылылытыуға күсерелә. Август айында зәңгәр яғыулыҡ менән тәьмин итеүсе системалар мотажлана башлаған да инде.
12 / 09 / 2017 160
Аҙна яңылыҡтары. Алданыусыларҙы ҡотҡарыу алданыусыларҙың үҙ эше
Элегерәк, реаль тормошта мутлашыусыларҙы ҡулға алыу еңелерәк булһа, виртуаль киңлектәрҙә кеше алдаусыларҙың эҙенә төшөү мөмкин дә түгел кеүек. Шулай ҙа Шерлок Холмстар бар әле. Баш ҡалала йәшәүсе үҫмер мутлашыусыларҙы ҡулға алыуын полициянан   көтөп ятмай  үҙе асыҡлаған. Артем Никулин интернет аша аяҡ кейеме һатып алырға була. Ләкин аҡсаһын да, кроссовкаларын да көтөп ала алмай. Егет аптырап тормай  социаль селтәрҙәр аша мутлашыусының үҙенә үк барып сыға һәм аҡсаһын кире ҡайтарыуға өлгәшә. Әммә бар  алдыҡ та еңел генә фаш ителмәй шул. Был осраҡта инде кеше ҡайғыһында мөлкәт туплаусылар шаша ғына. Тик шуны онотмаһындар ине. Ҡырын эш ҡырҡ йылдан һуң да беленә. Бына был юлы ла...
10 / 09 / 2017 467
Аҙна яңылыҡтары. Башҡортостанда Белорет районының Ҡағы һәм Әбйәлилдең Асҡар ауылдарын тоташтырған түләүле юл төҙөләсәк
Республика Монополияға ҡаршы  федераль хеҙмәт менән судты еңде. Ведомство  етәкселеге фекеренсә, концессия нигеҙендә төҙөлгән проект дәүләт һәм шәхси партнерлыҡ алымдарына тап килмәй. «Башдорстрой» компанияһы иһә проектты тормошҡа ашырыуҙа бер ниндәй ҙә хоҡуҡ боҙоу юҡлығын иҫбатланы.
10 / 09 / 2017 221
Благовар районы Языков ауылында канализация һыуҙарҙарын ағыҙыу мәсьәләһе хәл ителде
Благовар районында биологик таҙартыу комплексы сафҡа инде. Ул 18 блоклы контейнерҙан тора. Таҙартыу ҡоролмаһында хужалыҡта һәм тормошта ҡулланылған  һыуҙарҙы  тулыһынса биологик таҙартыу системаһы ҡулланыла. Таҙартыу ҡоролмаһы сәғәтенә 800 кубометр һыуҙы таҙарта. Объектты төҙөүгә республика бюджетынан 169 миллион һум аҡса бүленгән.
08 / 09 / 2017 257
Проектты тормошҡа ашырыу өсөн инвесторҙы ҡайҙан табырға?
Эшҡыуарҙар ошо темаға арналған семинарға йыйылды. Йүнселдәргә баш ҡала һәм Мәскәү белгестәре проекттарҙы тормошҡа ашырыу юлдарын өйрәтә. Тәжрибә менән уртаҡлашырға Рәсәйҙең баш ҡалаһының «Сколково» бизнес мәктәбе белгестәре, шәхси инвесторҙар һәм башҡа грант акселераторҙары вәкилдәре килгән.  
08 / 09 / 2017 195
Ҡайһы бер ҡеүәтле сауҙа селтәрҙәренә штраф янай
Монополияға ҡаршы  федераль хеҙмәттең Башҡортостан буйынса идаралығы  уларҙы  судҡа бирергә әҙерләнә. Белгестәр әйтеүенсә, сауҙа селтәрҙәре етештереүселәрҙән законһыҙ аҡса ала.
07 / 09 / 2017 228
Силәбе өлкәһе журналистары Өфө районындағы сәнәғәт объекттарының береһен экологик яҡтан хәүефһеҙлеккә ҡараны
Күрше төбәк вәкилдәре керамик плитка етештереү заводы менән юҡҡа ҡыҙыҡһынмай, «Ласселсбергер» компанияһы инвесторы Әбйәлил районында ла ҡоро  төҙөлөш ҡатышмаларын етештереү буйынса предприятие төҙөй башларға ниәтләй. Инвестиция күләме - яҡынса 200 миллион евро. Урал аръяғы халҡы яңы эш урындары барлыҡҡа киләсәгенә ҡыуанһа, Магнитогорскиҙа йәшәүселәр  иһә был объект проектына ҡаршы сыға. Йәнәһе лә, экология өсөн хәүеф бар. Республикала 11-се йыл уңышлы эшләп килгән предприятие менән танышыу уларҙың фекерен үҙгәрттеме?!  
06 / 09 / 2017 264
Республикала күсемһеҙ милекте инвентаризациялау кампанияһы бара
Башҡортостандың Ер һәм мөлкәт мөнәсәбәттәре министрлығы урындағы муниципалитеттар менән берлектә рейдтар үткәрә. Сара барышында күп кенә закон боҙоу осраҡтары ла  асыҡланған.
06 / 09 / 2017 263
Аҙна яңылыҡтары. Яҡшы онотолған үткәндәр
Һәр бер яңы барлыҡҡа килгән йүнәлешкә  хәҙер ошо аныҡламаны бирергә мөмкин. Һуңғы арала йыш телгә алынған кооперацияға ла. Ауыл кешеләренең, фермерҙарҙың берләшеп эшләү тарихын ике быуатҡа яҡын. Ләкин һуңғы арала ул онотолған тиерлек. Халыҡ та бит хәҙер элекке  түгел. Бер -береңә ышаныс, ярҙамсыллыҡ, намыҫ һәм теләктәшлек сифаттары юғала бара. Һәр кемдең бармағы тик үҙенә генә бөгөлгән. Ә кооперативтарға берләшеү өсөн тап ошо сифаттарҙың булыуы мөһим. Шулай ҙа өмөт йәшәй.
03 / 09 / 2017 204
Башҡортостанда нефть фонтаны урғылыуға 85 йыл
Тарихи датаға арналған тантана бөгөн Өфөлә, «Башҡортостан» концерт залында үтте. Сараға тармаҡ ветерандары, хеҙмәт алдынғылары саҡырылды.
02 / 09 / 2017 241
Силәбе өлкәһенең эшҡыуар ҡатын-ҡыҙҙары беҙҙең республика менән хеҙмәттәшлек итергә әҙер
Был турала ошо көндәрҙә Көньяҡ Уралдың баш ҡалаһында үткән эшҡыуар ҡатын-ҡыҙҙар конференцияһында әйтелде. Осрашыуҙа Башҡортостандың төбәктәге даими вәкиле Амур Хәбибуллин республика иҡтисады менән таныштырҙы.
29 / 08 / 2017 213

Страницы: 1 2 3 4 5 ... 39 След.
Календарь новостей

Яндекс.Метрика