Өфө районының Чесноковка ауылынан 33 йәшлек Наталья Терентьева изге күңелле кешеләрҙең ярҙамына өмөт итә

Өфө районының Чесноковка ауылынан 33 йәшлек Наталья Терентьева изге күңелле кешеләрҙең ярҙамына өмөт итә 28.03.2015

Ҡатын атлай алмай, өс йәшендә табиптар уға Вердниг-Гоффман арҡа амиотрофия диагнозын ҡуя. Ҡыҙҙың ата-әсәһе республиканың барлыҡ дауаханаларын урай, тик балаға бер ниндәй операция ла, хатта, массаж, дауалау процедуралары ла эшләргә ҡушылмай. Инвалид коляскаһында ултырырға  ғына рөхсәт ителә. Бөгөн   4-се дәрәжәләге сколиоздан яфаланыусы Наталья Терентьева һыҙланыуҙарға түҙә алмай.  

Любовь Терентьева, Натальяның әсәһе: «Аяуһыҙ ауырыу. Бер кеше өсөн шул тиклем интегеүҙәр. Ҡыҙыбыҙ бик түҙемле»...
Наталья Терентьеваның теләге бер: умыртҡа һөйәгенә операция яһатып, ауыртыуҙарҙы баҫыу,  ултыра алыу. Салауат ҡалаһы табиптары был ҡатмарлы операцияны эшләргә баҙнат иткән. Тик бының өсөн  миллион 400 мең һумға яҡын аҡса талап ителә. Натальяның ата-әсәһе был сумманы йыйырлыҡ хәлдә түгел. Улар мәрхәмәтле кешеләрҙең ярҙамына можтаж.
Һаҡлыҡ банкы иҫәбе:  67619600 0088761680, Терентьева Любовь Алексеевна (Натальяның әсәһе)
Бәйләнеш өсөн телефон: 8 965 930 38 73
Наталья Терентьева, «Тормошҡа ҡыуанып, ата-әсәйгә, барлыҡ кешеләргә ярҙам итеп йәшәгем килә. Иманым камил, донъяла изге кешеләр күп».  

Загрузка видео...
Комментарии
Загрузка

Возврат к списку


Яндекс.Метрика